ДЕПОЗИТИ КОИ СЕ ОСИГУРЕНИ ВО ФОНДОТ Во согласност со Законот предмет на осигурување во Фондот се следните депозити на депоненти физички лица: денарски и девизни депозити и трансакциски сметки на физички лица во банките, филијалите на странски банки и штедилниците основани во Република Македонија, депозити врзани за паричните картички издадени од банки и филијали на странски банки основани во Република Македонија и девизни приливи на физички лица во банките и филијалите на странски банки основани во Република Македонија. Со денот на пристапување на Република Македонија во Европската унија се осигуруваат и депозитите на депоненти, правни лица, кои согласно Законот за трговски друштва се сметаат за мали трговци.